Sky Sports ning ma’lum qilishicha, «Man Siti» sobiq futbolchisi Kolin Bell og‘ir xastalikdan vafot etdi.

U uzoq yillik faoliyati davomida «shaharliklar»dan tashqari «Bari», "San-Xose Ertkveyks" kabi klublarda o‘ynagan.

Manchesterdagi faoliyati davomida yarimhimoyachi 1968 yilda mamlakat chempioni, bir yil o‘tib esa mamlakat kubogini qo‘lga kiritgan. Shuningdek, Bell hisobida ikkita Liga kubogi sovrini ham mavjud (1970 va 1976).

Milliy terma jamoa safida esa Kolin 48 ta o‘yinda maydonga tushib 9 ta gol urishga muvaffaq bo‘lgan. Shuningdek, bir marta 1968 yilda Angliya bilan Yevropa chempionatining bronza medallariga ega chiqqan.