Sky Sports нинг маълум қилишича, «Ман Сити» собиқ футболчиси Колин Белл оғир хасталикдан вафот этди.

У узоқ йиллик фаолияти давомида «шаҳарликлар»дан ташқари «Бари», "Сан-Хосе Эртквейкс" каби клубларда ўйнаган.

Манчестердаги фаолияти давомида яримҳимоячи 1968 йилда мамлакат чемпиони, бир йил ўтиб эса мамлакат кубогини қўлга киритган. Шунингдек, Белл ҳисобида иккита Лига кубоги соврини ҳам мавжуд (1970 ва 1976).

Миллий терма жамоа сафида эса Колин 48 та ўйинда майдонга тушиб 9 та гол уришга муваффақ бўлган. Шунингдек, бир марта 1968 йилда Англия билан Европа чемпионатининг бронза медалларига эга чиққан.