Angliyaning «Manchester Siti» ustozi Pep Gvardiola Angliya Liga Kubogi doirasida «Manchester Yunayted» (2:0) ustidan qo‘lga kiritilgan g‘alaba haqida fikr bildirdi.

«Ushbu g‘alaba Kolin Bell ("Manchester Siti"ning sobiq futbolchisi, 5 yanvar kuni 74 yoshida vafot etdi - tahririyat) va uning oilasiga bag‘ishlanadi. Safarda «MYU»ni mag‘lubiyatga uchratish juda ajoyib va biz bu ishni shubhasiz Bell uchun qildik.

Jamoamiz tayyor va bugungi o‘yinni ajoyib tarzda o‘tkazdik. Ikkinchi bo‘limda biroz pasayib qoldik, chunki «Stemford Bridj»dagi o‘yindan keyin biroz charchagandik, ammo bunday irodaga bo‘lgan jamoa aqlbovar qilmas ishlarni amalga oshirishga qodir.

Bu Yevropa Chempionlari Ligasi emas, ammo, Angliya Liga Kubogi finaliga ketma-ket to‘rt marta yo‘llanmani qo‘lga kiritish – ajoyib natija.

O‘ylaymanki, standart vaziyatdan birinchi marta gol kiritdik. Biz ilgari bunga yaqin edik, bugun esa buni ikki marta uddaladik.

Mukamallik juda muhim. Bizda mavsumoldi tayyorgarlik to‘liq bo‘lmagan va shu sababli, biroz ko‘proq vaqt talab qilindi. Ammo, biz o‘z formamizni yig‘ib oldik deb hisoblayman.

Biz finalgacha ajoyib formada bo‘lamiz, qolaversa, final keyingi hafta bo‘lmaydi. «Tottenxem» – ajoyib jamoa, lekin hozircha bu haqda o‘ylamaymiz», – dedi Gvardiola Sky Sports bilan suhbatda.