"Surxon" jamoasi Toshkentda yangi mavsumga tayyorgarlikni davom ettirmoqda. Bugungi mashg‘ulotlarda bir qator yangi futbolchilar kelib qo‘shildi.

O‘tgan mavsumni "Buxoro" jamoasi tarkibida o‘tkazgan Zohir Pirimov jamoamiz mashg‘ulotlariga kelib qo‘shildi.

Bundan tashqari o‘tgan mavsumni "Qo‘qon-1912" jamoasi tarkibida o‘tkazgan, yosh va tajribali himoyachi, O‘zbekiston olimpiya terma jamoasi a’zosi Jasur Yoqubov ham "Surxon" jamoasi mashg‘ulotlarida ishtirok etmoqda.

Shuningdek, o‘tgan mavsumni Namanganning "Navbahor" jamoasi tarkibida o‘tkazgan tajribali darvozabon Dilshod Hamroyev ham jamoamiz mashg‘ulotlarda ishtirok etmoqda.

Tayyorgarlik davomida "Surxon" jamoasi bir qator o‘rtoqlik uchrashuvlari ham o‘tkazadi.