O‘tgan mavsumda Ozarboyjonning «Keshlya» klubi faoliyat yuritib, yaqindagina klubni tark etgan azerisport.com muxbiri savoliga javob berdi.

— Hozirda nimalar bilan bandsiz?
— O‘zbekistondaman. Hozircha o‘zimga yangi klub topmadim.

— Nima uchun «Keshlya»ni tark etdingiz?
— Jarohat olganimizdan keyin murabbiy menga umuman imkoniyat bermadi. Har qanday futbolchi jarohat olishi mumkin. U men bilan ishlash niyati yo‘qligi ko‘rinib turgandi.

— Jamoani tark etishingiz uchun yagona sabab shumi?
— Maoshlar to‘lovi borasida kechikishlar bo‘ldi. Ba’zida ikki oy kutdik. Qolgan maoshimni O‘zbekistonga qaytganimdan keyin oldim.

— Klub sizdan qarzdor bo‘lib qoldimi?
— Yo‘q, klub menga barcha pulni berdi. Faqat kechikish bilan to‘ladi. Bu nafaqat menda, balki butun jamoada ro‘y berdi. Qolgan yigitlarga maoshlarni berishdimi yoki yo‘qmi, bilmayman.

— Ozarboyjonning boshqa jamoalaridan taklif tushdimi?
— Yo‘q, Ozarboyjonning boshqa jamoalaridan taklif tushmadi.

— Ozarboyjon premyer-ligasi haqida nima deya olasiz?
— Normal liga. Unda ko‘pgina yaxshi legionerlar to‘p tepadi. Shunchaki, Ozarboyjonning ba’zi klublariga professionalizm yetishmaydi. Maoshni o‘z vaqtida berishmaydi. Shuningdek, boshqa mayda jihatlar ham mavjud.

— Ozarboyjonga qaytish haqida o‘ylamayapsizmi?
— Agar yaxshi taklif tushsa, Ozarboyjonga qaytish haqida o‘ylab ko‘raman. Aks holda qaytmayman. Premyer-ligada bor-yo‘g‘i 8ta jamoa ishtirok etadi. Bu kam.