Jamoamiz a’zolari yangi mavsumga jiddiy tarzda tayyorgarlik ko‘rishmoqda.

Mashg‘ulotlar No‘’mon Hasanov boshchiligidagi murabbiylar shtabi boshchiligida kuniga ikki mahaldan Namangandagi “Yosh kuch” stadionida olib borilmoqda.

Ta’kidlash joizki, “Navbahor”ning bugungi mashg‘ulotlarida tajribali himoyachi Igor Golban, jamoamiz sardori, tajribali yarim himoyachi Azimjon Ahmedov va tojikistonlik mahoratli yarim himoyachi Ehsoni Panshanbe ham ishtirok etishdi.

Mazkur futbolchilar “lochinlar”ning avvalgi mashg‘ulotlarida ayrim sabablarga ko‘ra, qatnashishmagandi.

“Navbahor” mazkur o‘quv-mashg‘ulot yig‘ini davomida bir qator o‘rtoqlik uchrashuvlari o‘tkazishni ham rejalashtirgan hamda bu haqda klubimizning rasmiy veb – sayti orqali xabar beramiz.

Jamoamiz a’zolariga mashg‘ulotlarda kuch-quvvat tilab qolamiz.