Жамоамиз аъзолари янги мавсумга жиддий тарзда тайёргарлик кўришмоқда.
Машғулотлар Нўъмон Ҳасанов бошчилигидаги мураббийлар штаби бошчилигида кунига икки маҳалдан Намангандаги “Ёш куч” стадионида олиб борилмоқда.
Таъкидлаш жоизки, “Навбаҳор”нинг бугунги машғулотларида тажрибали ҳимоячи Игорь Голбан, жамоамиз сардори, тажрибали ярим ҳимоячи Азимжон Аҳмедов ва тожикистонлик маҳоратли ярим ҳимоячи Эҳсони Паншанбе ҳам иштирок этишди.
Мазкур футболчилар “лочинлар”нинг аввалги машғулотларида айрим сабабларга кўра, қатнашишмаганди.
“Навбаҳор” мазкур ўқув-машғулот йиғини давомида бир қатор ўртоқлик учрашувлари ўтказишни ҳам режалаштирган ҳамда бу ҳақда клубимизнинг расмий веб – сайти орқали хабар берамиз.
Жамоамиз аъзоларига машғулотларда куч-қувват тилаб қоламиз.
