«Napoli» bosh murabbiyi Jennaro Gattuzo «Empoli» bilan o‘yindan keyingi fikrlarini bildirdi. «Napoli» raqibini 3:2 hisobida mag‘lub etdi va Italiya futbol kubogining chorak finaliga yo‘l oldi.
«Biz ushbu uchrashuvda qiyinchilikka duch keldik, sababi, biz juda qiziqarli yoshlarga ega jamoaga qarshi o‘ynadik. Biz bu safar kam o‘yin amaliyoga ega bo‘layotgan futbolchilarga imkoniyat berish muhimligini bilardik. Shu munosabat bilan ma’lum bir qiyinchiliklarni boshdan kechirishimiz kutilgandi. Ammo biz g‘alaba qozona oldik va bu g‘alaba yakshanba kungi o‘yin oldidan o‘zimizga bo‘lgan ishonchni oshirishga yordam beradi. Balans qidirishni davom ettirishimiz kerak, chunki biz bir nechta qarshi hujumlarni o‘tkazib yubordik.
Barqarorlik yetishmayapti? Butun Yevropa jamoalarida muammolar bor, juda g‘alati natijalar qayd etilmoqda. So‘nggi bir yil ichida futbol juda o‘zgardi. Albatta, biz yaxshilay olamiz, ochig‘ini aytganda, bir nechta ochkolarni yo‘qotdik», - dedi Gattuzo.
