«Наполи» бош мураббийи Женнаро Гаттузо «Эмполи» билан ўйиндан кейинги фикрларини билдирди. «Наполи» рақибини 3:2 ҳисобида мағлуб этди ва Италия футбол кубогининг чорак финалига йўл олди.

«Биз ушбу учрашувда қийинчиликка дуч келдик, сабаби, биз жуда қизиқарли ёшларга эга жамоага қарши ўйнадик. Биз бу сафар кам ўйин амалиёга эга бўлаётган футболчиларга имконият бериш муҳимлигини билардик. Шу муносабат билан маълум бир қийинчиликларни бошдан кечиришимиз кутилганди. Аммо биз ғалаба қозона олдик ва бу ғалаба якшанба кунги ўйин олдидан ўзимизга бўлган ишончни оширишга ёрдам беради. Баланс қидиришни давом эттиришимиз керак, чунки биз бир нечта қарши ҳужумларни ўтказиб юбордик.

Барқарорлик етишмаяпти? Бутун Европа жамоаларида муаммолар бор, жуда ғалати натижалар қайд этилмоқда. Сўнгги бир йил ичида футбол жуда ўзгарди. Албатта, биз яхшилай оламиз, очиғини айтганда, бир нечта очколарни йўқотдик», - деди Гаттузо.