Italiyaning «Inter» klubi hujumchisi Romelu Lukaku o‘z yurtida xorijda o‘ynayotgan eng yaxshi belgiyalik futbolchi deb topildi. Bu haqda futbolchining o‘zi «Tvitter»dagi rasmiy sahifasi orqali ma’lum qildi.
«Bu yerda turganim uchun Yaratganga rahmat aytaman. «Inter»dagi jamoadoshlarim va Belgiya terma jamoasidagi sheriklarimdan minnatdorman. Do‘stlar, sizlarning yordamingiz men uchun juda muhim. O‘sishimda yaqindan yordam berayotgan barcha murabbiylarimga rahmat aytaman», - deb post qoldirdi Lukaku.
