Osiyo futbol konfederasiyasi Chempionlar ligasining 2021 yilgi mavsumi taqvimini e’lon qildi.

Guruh bosqichi markazlashtirilgan holda o‘tkaziladi. G‘arb mintaqasi o‘yinlari 14-30 aprel kunlari o‘tkazilsa, Sharq mintaqasi bahslari 21 aprel - 7 may kunlari oralig‘ida tashkil etiladi.

Pley-off bosqichi o‘yinlari taqvimi quyidagicha ko‘rinish oldi:

Nimchorak final (bitta o‘yin) — 13-14 sentyabr (G‘arb) va 14-15 sentyabr (Sharq);

Chorak final (bitta o‘yin) — 27-28 sentyabr (G‘arb) va 28-29 sentyabr (Sharq);

Yarim final (ikkita o‘yin) — 19 va 26 oktyabr (G‘arb), 20 va 27 oktyabr (Sharq);

Final (ikkita o‘yin) — 21 va 27 noyabr.

G‘arb mintaqasida saralash bosqichi 7 aprel kuni bo‘lib o‘tadi. Sharqda shu kuni dastlabki saralash bahslari, 14 aprel kuni esa saralash pley-off uchrashuvlari bo‘lib o‘tadi.

Guruh bosqichiga qur’a tashlash marosimi 27 yanvar kuni bo‘lib o‘tadi.