Осиё футбол конфедерацияси Чемпионлар лигасининг 2021 йилги мавсуми тақвимини эълон қилди.

Гуруҳ босқичи марказлаштирилган ҳолда ўтказилади. Ғарб минтақаси ўйинлари 14-30 апрель кунлари ўтказилса, Шарқ минтақаси баҳслари 21 апрель - 7 май кунлари оралиғида ташкил этилади.

Плей-офф босқичи ўйинлари тақвими қуйидагича кўриниш олди:

Нимчорак финал (битта ўйин) — 13-14 сентябрь (Ғарб) ва 14-15 сентябрь (Шарқ);

Чорак финал (битта ўйин) — 27-28 сентябрь (Ғарб) ва 28-29 сентябрь (Шарқ);

Ярим финал (иккита ўйин) — 19 ва 26 октябрь (Ғарб), 20 ва 27 октябрь (Шарқ);

Финал (иккита ўйин) — 21 ва 27 ноябрь.

Ғарб минтақасида саралаш босқичи 7 апрель куни бўлиб ўтади. Шарқда шу куни дастлабки саралаш баҳслари, 14 апрель куни эса саралаш плей-офф учрашувлари бўлиб ўтади.

Гуруҳ босқичига қуръа ташлаш маросими 27 январь куни бўлиб ўтади.