Londonning «Arsenal» hujumchisi Aleksandr Lyakazett faoliyatini «Atletiko» klubida davom ettirishi mumkin. «Matraschilar» bosh murabbiyi Diyego Simeone ushbu transferga shaxsan o‘zi qiziqish bildirmoqda. Bu haqda Ispaniya matbuoti xabar tarqatmoqda.
Simeone «Atletiko» rahbariyatiga Lyakazett bilan muzokara olib borish borasida ko‘rsatma bergan. Bu bitim shu yilning iyun oyida amalga oshishi kutilmoqda.
Transfermarkt portali Lyakazettning transfer bahosini 35 million yevro atrofida baholamoqda. Fransiyalik futbolchining «kanonirlar» bilan amaldagi shartnomasi 2022 yilning yozida yakuniga yetadi.
