Лондоннинг «Арсенал» ҳужумчиси Александр Ляказетт фаолиятини «Атлетико» клубида давом эттириши мумкин. «Матрасчилар» бош мураббийи Диего Симеоне ушбу трансферга шахсан ўзи қизиқиш билдирмоқда. Бу ҳақда Испания матбуоти хабар тарқатмоқда.
Симеоне «Атлетико» раҳбариятига Ляказетт билан музокара олиб бориш борасида кўрсатма берган. Бу битим шу йилнинг июнь ойида амалга ошиши кутилмоқда.
Transfermarkt портали Ляказеттнинг трансфер баҳосини 35 миллион евро атрофида баҳоламоқда. Франциялик футболчининг «канонирлар» билан амалдаги шартномаси 2022 йилнинг ёзида якунига етади.
