Madridliklar o‘z himoyachisi Alvaro Odriosolani sotuvga qo‘yishga qaror qildi.

Marca xabariga ko‘ra klub hozircha uni 20 millionga baholamoqda. Futbolchining agenti hozirdanoq bir qancha klublar bilan aloqaga chiqqan. Biroq da’vogarlar orasida Alvaroni to‘liq sotib oladigan jamoa hali topilmadi.

Italiyaning «Fiorentina» klubi 25 yoshli futbolchini mavsum yakuniga qadar ijaraga olish variantini o‘ylab ko‘rmoqda. «Binafshalar» uni yaqinda jamoani tark etgan Paul Lirolga o‘rinbosar sifatida ko‘rmoqda.

Ma’lumot uchun Odriosola joriy mavsum «qaymoqranglilar» safida 1 ta o‘yinda maydonga tushgan.