O‘zbekiston tumanining “Turon” futbol klubi joriy yildan superliga bahslarida ishtirok etadi.

PFL bayrog‘i ostida o‘tkaziladigan Superliga chempionati uchrashuvlari bo‘lib o‘tadigan stadionlar uchun qo‘yiladigan talablar to‘g‘risidagi nizom mavjud.

2021 yilda milliy chempionat doirasidagi o‘yinlarni o‘zida qabul qiluvchi tumandagi “O‘zbekiston” stadionida bugungi kunda mazkur nizomda belgilangan talablarga muvofiq bir qator qurilish-ta’mirlash ishlari olib borilmoqda.

Rejaga muvofiq, o‘yingohda 4x8 m o‘lchamda ulkan elektron monitor, 2000 lyumen yorug‘lik oqimiga ega bo‘lgan ulkan projektor o‘rnatish hamda qo‘shimcha 5000 o‘rinli tribuna barpo etish kabi loyihalar amalga oshirilmoqda.

O‘zbekiston tumani hokimi Q.Jo‘rayev mazkur o‘yingohda bo‘lib, hokimning qurilish masalalari bo‘yicha o‘rinbosari, tegishli mas’ullar hamda klub mutasaddilari bilan navbatdagi bajarilishi lozim bo‘lgan ishlarni muhokama qildi.

Xususan, o‘yingoh atrofidagi yo‘llarni, ochiq kollektor-zovurni tartibga keltirish, kommunikasiya masalalarini hal etish choralari ko‘rildi.

O‘zbekiston tumani hokimligi Axborot xizmati