«Atletiko» sobiq hujumchisi Fernando Torres madridliklarning ikkinchi jamoasiga bosh murabbiy etib tayinlanganidan xabaringiz bor. U bu lavozimga o‘tgan yilning sentyabrida tayinlangan. Faqat undan buni rasmiylashtiruvchi UEFAning PRO lisenziyasini qo‘lga kiritish qoldi.
Uning qo‘l ostida «Atletiko B» jamoasi bugun birinchi uchrashuvini «Poblense»ga qarshi o‘tkazadi.
Eslatib o‘tamiz, Torres «Atletiko»dan tashqari «Chelsi», «Liverpul» hamda «Milan» kabi grand jamoalar sharafini ham himoya qilgan edi.
U «matraschilar» safida 2018 yil «Evropa Ligasi»da g‘olib chiqqan bo‘lsa, bir marta YECHL finalida ham o‘ynagan.