Toshkentda yig‘in o‘tkazayotgan “Qo‘qon-1912” jamoasi bugun navbatdagi o‘rtoqlik uchrashuvida maydonga tushdi. Jamoaning bugungi raqibi – “Bunyodkor” klubi bo‘ldi.  

O‘yin kutilganidek shiddatli tarzda boshlandi. 15-daqiqada Xolmuhammedovning jarimadan yo‘llagan zarbasi darvoza to‘sinini "yalab" o‘tdi. Oradan uch daqiqa o‘tib, Mo‘min Meliyev darvozabon bilan deyarli birga bir vaziyatga chiqib zarba yo‘lladi.

35-daqiqada Xolmuhammedovning uzatmasidan so‘ng, Rustamovning bosh bilan bergan zarbasi to‘singa tegib qaytdi. Birinchi bo‘lim yakunlanishi arafasida raqiblarimiz hisobni ochishdi. Burchak zarbasidan so‘ng Odiljon Abduraxmonov xisobni ochdi. Abduraxmonov qirg‘izistonlik futbolchi bo‘lib, "Bunyodkor"da ko‘rikda bo‘lib turibdi. Tanaffusga jamoalar shu hisobda chiqib ketishdi.

Ikkinchi bo‘limni ham vakillarimiz faol tarzda boshlashdi. Ketma-ket hujumlarimiz samara keltirmadi. 70-daqiqada “Bunyodkor” futbolchilari ikkinchi golni kitirishdi. Ibrohim Tomiva hisobni o‘zgartirdi. 77-daqiqada vakillarimiz hisobni qisqartirishdi. Shohrux Xolmatov burchak zarbasidan so‘ng  raqib darvozasini ishg‘ol qildi.  85-daqiqada penalti tepish huquqiga ega bo‘lishdi. Andrey Sidorov penaltini aniq amalga oshirdi va hisobni tenglashtirdi. Uchrashuv durang hisobda yakun topdi.

O‘rtoqlik uchrashuvi
“Qo‘qon-1912” – “Bunyodkor” – 2:2 (0:1)
Gollar: Shohrux Xolmatov (77), Andrey Sidorov (86). - Odiljon Abduraxmonov (42),  Ibrohim Tomiva (70).
“Qo‘qon-1912”: E. Ahmadov, O. Rustamov, B. Akbarov, M. Xolmuhammedov, A. Merzlyakov, F. Bekmurodov, I. Malikjonov, S. Azimov, M. Hasanov, S. Sindarov, M. Meliyev.
Zaxira: X. Xo‘jayev, SH. Xolmatov, J. Guseynov, A. Mamatxo‘jayev, A. Isroilov, S. Yetovqo‘ziyev, M. Normatov, R. Abduhamidov, SH. Norbekov, A. Sidorov, D. Durdiyev.
«Bunyodkor»: Asilbek Omonov, Ulug‘bek Abdullayev, Abdulla Abdullayev, Xurshid Ubaydullayev, Sunnatilla Abdullajonov, Lutfulla To‘rayev, Xurshid G‘iyosov, Sanjar Rashidov, Odiljon Abdurahmonov, Nurillo To‘xtasinov, Mirjahon Mirahmadov.