Sinovdan ijobiy natija olganlar orasida futbolchilar, murabbiylar va klub xodimlari ham bor. Shuningdek, kasallanganlar ro‘yhatida «Benfika» prezidenti Luis Filipe Viyeyra ham o‘rin olgan. «Benfika» Portugaliya Sog‘liqni saqlash vazirligiga keyingi ikki hafta ichida o‘yin o‘tkazish yoki o‘tkazmaslik borasida murojaat qilgan.
Ma’lumot uchun, Lissabon jamoasi 14 o‘yindan so‘ng Portugaliya chempionati turnir jadvalida uchinchi o‘rinni egallab turibdi. «Burgutlar» keyingi uchrashuvni 20 yanvar kuni liga kubogi doirasida «Braga»ga qarshi o‘tkazishi kerak edi.
