Kataloniyaning «Barselona» bosh murabbiyi Ronald Kuman Ispaniya Kubogining 1/16 final bosqichida «Kornelya» (2:0) jamoasiga qarshi uchrashuvda amalga oshirilmagan ikkita penalti haqida fikr bildirdi.
«Tarkibimizda gollar uradigan futbolchilar bo‘lsa-da, men buni tushunmayapman. Balki, bu qo‘rquvdir. Lekin, to‘g‘risini aytganda, buni sababini tushunmayman. "Barselona" futbolchisi sifatida bitta o‘yinda ikkita penaltini noto‘g‘ri amalga oshirib bo‘lmaydi. Bu jiddiy emas», – dedi Kuman.
«Barselona» futbolchilari joriy mavsum besh marotaba 11 metrli jarima to‘pini noaniq bajarishdi. Lionel Messi, Antuan Grizmann, Martin Breytueyt, Miralem Pyanich va Usmon Dembelelar xato qilishdi.
