«Liverpul» bosh murabbiyi Yurgen Klopp Angliya kubogining 4-bosqichi doirasida «Manchester Yunayted»ga qarshi bo‘lib o‘tgan o‘yin (2:3) borasida o‘z fikrini bildirib o‘tdi.

«Bu uchrashuvda ko‘p yaxshi narsalar ro‘y berdi, ammo darvozamiz oldida xatolarga ham yo‘l qo‘ydik. Bu yerda g‘alaba qozonishni istasang, yuqori saviya namoyish etishing kerak. Biz esa buni qila olmadik.

Bu bahsdan xulosa chiqaramiz. Biz har bir o‘yindan saboq olishga harakat qilamiz. Saloh uchun uchrashuv yaxshi bo‘ldi. U o‘ziga ishonchi ortishi uchun bu muhim.

O‘yin qiyin kechdi. Biz g‘alaba qozonishni istagandik, ammo bugun buning o‘zi kamlik qildi. G‘alaba qozonganingda ham, mag‘lubiyatga uchraganingda ham kamchiliklarni sezasan. Ammo yigitlar bugun g‘alaba qozonishni juda va juda istashgandi. Qarshi hujumlarda muammolarga duch keldik», – dedi Klopp.