Kataloniyaning «Barselona» klubini qarzi 1,173 milliard yevroni tashkil qilayotgani haqida El Partidazo de COPE nashri xabar tarqatmoqda. Ushbu qarzdorlikning 196 million yevrosi kataloniyaliklarning transferlardan bo‘lgan qarzdorligi hisoblanadi.

Masalan 48 million yevroga yaqin «ko‘k-anorranglilar» «Ayaks»dan Frenki de Yong, 40 million yevroga yaqin «Liverpul»dan Filippe Koutinyo va 52 million yevroga yaqin «Yuventus»dan Miralem Pyanichlarning transferlari borasida qarzi bor.

Eslatib o‘tish joizki, «Barselona» klubiga prezidentlik saylovlari koronavirus pandemiyasi sababli mart oyiga ko‘chirildi. Ushbu poygada Joan Laporta yetakchilik qilmoqda.