«Milan» ustozi Stefano Pioli «Inter» klubiga qarshi bo‘lib o‘tadigan o‘yindan oldingi fikrlari bilan o‘rtoqlashdi. "Milan derbisi" Italiya Kubogining 1/4 final doirasida ertaga bo‘lib o‘tadi.
«Oldimizda muhim uchrashuv kutib turibdi. «Atalanta»ga qarshi muvaffaqiyatsiz o‘yindan keyin o‘zimizni tiklashimiz kerak. «Milan» Italiya Kubogini qo‘lga kiritishni xohlaydi.
Qur’a tashlash borasida omadimiz chopmadi. Bizda qiyin yo‘l turibdi, lekin, istalgan klub bilan o‘yinda g‘alaba qozonish uchun maydonga tushishimiz kerakligini tushunib turibmiz. Kubokni faqatgina shu tariqa qo‘lga kiritish mumkin», - dedi Pioli.
«Inter» - «Milan» jamoalari o‘rtasidagi bahs ertaga tunda, Toshkent vaqti bilan soat 00:45 da boshlanadi.
