«Милан» устози Стефано Пиоли «Интер» клубига қарши бўлиб ўтадиган ўйиндан олдинги фикрлари билан ўртоқлашди. "Милан дербиси" Италия Кубогининг 1/4 финал доирасида эртага бўлиб ўтади.
«Олдимизда муҳим учрашув кутиб турибди. «Аталанта»га қарши муваффақиятсиз ўйиндан кейин ўзимизни тиклашимиз керак. «Милан» Италия Кубогини қўлга киритишни хоҳлайди.
Қуръа ташлаш борасида омадимиз чопмади. Бизда қийин йўл турибди, лекин, исталган клуб билан ўйинда ғалаба қозониш учун майдонга тушишимиз кераклигини тушуниб турибмиз. Кубокни фақатгина шу тариқа қўлга киритиш мумкин», - деди Пиоли.
«Интер» - «Милан» жамоалари ўртасидаги баҳс эртага тунда, Тошкент вақти билан соат 00:45 да бошланади.
