Angliyaning «Manchester Yunayted» ustozi Ole Gunnar Sulsher jamoa hujumchisi Markus Reshfordning holati bo‘yicha ma’lumot berdi. Angliyalik hujumchi mamlakat Kubogi doirasida «Liverpul»ga qarshi bo‘lib o‘tgan o‘yinda zahiraga olingandi.
Avvalroq The Telegraph nashri Reshford tibbiy ko‘rikdan o‘tganini, uning jarohati jiddiy emasligi haqida xabar tarqatgandi.
«Markus chorshanba kuni bo‘ladigan o‘yinda maydonga tushishi mumkin. U bugun ertalabki mashg‘ulotlarda ishtirok etdi», - dedi Sulsher "Sheffild Yunayted"ga qarshi bo‘ladigan o‘yindan oldin tashkil etilgan matbuot anjumanida.
«Manchester Yunayted» va «Sheffild Yunayted» APL doirasida ertaga o‘ynaydi. Uchrashuv Toshkent vaqti bilan soat 00:15da boshlanadi.