Англиянинг «Манчестер Юнайтед» устози Оле Гуннар Сульшер жамоа ҳужумчиси Маркус Рэшфорднинг ҳолати бўйича маълумот берди. Англиялик ҳужумчи мамлакат Кубоги доирасида «Ливерпул»га қарши бўлиб ўтган ўйинда заҳирага олинганди.

Аввалроқ The Telegraph нашри Рэшфорд тиббий кўрикдан ўтганини, унинг жароҳати жиддий эмаслиги ҳақида хабар тарқатганди.

«Маркус чоршанба куни бўладиган ўйинда майдонга тушиши мумкин. У бугун эрталабки машғулотларда иштирок этди», - деди Сульшер "Шеффилд Юнайтед"га қарши бўладиган ўйиндан олдин ташкил этилган матбуот анжуманида.

«Манчестер Юнайтед» ва «Шеффилд Юнайтед» АПЛ доирасида эртага ўйнайди. Учрашув Тошкент вақти билан соат 00:15да бошланади.