Moskvaning «Lokomotiv» klubi sobiq prezidenti Nikolay Naumov hamyurtimiz Jasurbek Jaloliddinovni "temiryo‘lchilar" tomonidan sotib olingani haqida fikr bildirdi.
«Jaloliddinovning transferi borasida savolni Kiknadzega berish kerak. Ammo, bu ko‘rinib turganidek, bu futbolchining agentini iltimosiga binoan amalga oshirilgan mutlaqo shoshilinch transfer. Katta ehtimol bilan Belous Jasurning kuchli ekanligini aytgan va uning o‘yinlarini hech kim kuzatmagan. Mana Jaloliddinovning transferi nimaga asoslanib amalga oshirilganini Kiknadze va Belousdan so‘rash kerak.
Seleksioner murabbiylarning birortasi Jasurning o‘yinlarini ko‘rgan va kuzatgan bo‘lishi ehtimoldan yiroq, shu sababli uning agenti Jasurni "o‘zbek Messisi" deb o‘tkazgan. Bizda bunday «Messi»lar tiqilib yotibdi, hattoki buning evaziga katta miqdorda pul taklif qilishadi.
Sotib olish uchun birinchi mashg‘ulotlarda ko‘rish kerak edi, bu esa "Lokomotiv"ning katta xatosi. Men buni "arra" deb aytmayman, lekin bu yerda agentning ulushi katta bo‘lgani aniq.
Ushbu transfer – Jaloliddinovni haqiqiy Messi deb qaror qilgan ikki kishining o‘rtasidagi kelishuv. Ko‘rish va o‘rganish uchun qorong‘u voqea», – dedi Naumov.
