Москванинг «Локомотив» клуби собиқ президенти Николай Наумов ҳамюртимиз Жасурбек Жалолиддиновни "темирйўлчилар" томонидан сотиб олингани ҳақида фикр билдирди.
«Жалолиддиновнинг трансфери борасида саволни Кикнадзега бериш керак. Аммо, бу кўриниб турганидек, бу футболчининг агентини илтимосига биноан амалга оширилган мутлақо шошилинч трансфер. Катта эҳтимол билан Белоус Жасурнинг кучли эканлигини айтган ва унинг ўйинларини ҳеч ким кузатмаган. Мана Жалолиддиновнинг трансфери нимага асосланиб амалга оширилганини Кикнадзе ва Белоусдан сўраш керак.
Селекционер мураббийларнинг бирортаси Жасурнинг ўйинларини кўрган ва кузатган бўлиши эҳтимолдан йироқ, шу сабабли унинг агенти Жасурни "ўзбек Мессиси" деб ўтказган. Бизда бундай «Месси»лар тиқилиб ётибди, ҳаттоки бунинг эвазига катта миқдорда пул таклиф қилишади.
Сотиб олиш учун биринчи машғулотларда кўриш керак эди, бу эса "Локомотив"нинг катта хатоси. Мен буни "арра" деб айтмайман, лекин бу ерда агентнинг улуши катта бўлгани аниқ.
Ушбу трансфер – Жалолиддиновни ҳақиқий Месси деб қарор қилган икки кишининг ўртасидаги келишув. Кўриш ва ўрганиш учун қоронғу воқеа», – деди Наумов.
