Messining atrofidagilari, «Barselona» hujumchisining fransuz tilini o‘rganayotganini rad etishdi, deb yozmoqda Diario Sport. Na futbolchining o‘zi va na argentinalikka yaqin odam, oila-a’zolari fransuz tilini o‘rganmayapti.
Kecha "Canal+" jurnalisti Joffre Garetye bu ma’lumotni tarqatib: «Messi va uning oilasi fransuz tilidan saboq olmoqda. Agar u "Siti" ga o‘tmoqchi bo‘lsa, nega fransuzchani o‘rganyapti?»-degan fikrni bildirgan edi.
Avvalroq, «PSJ»ning Messiga qiziqishi haqida bir necha bor xabar berilgandi.
«Barsa» bilan shartnomasi 2021 yil yozida o‘z nihoyasiga yetadigan hujumchi La Liga doirasida 17 o‘yin o‘tkazib, 11 gol urgan va 2 golga uzatma amalga oshirgan.
