Londonning «Tottenxem» ustozi Joze Mourinyo «Liverpul» bosh murabbiyi Yurgen Klopp bilan o‘zaro munosabatlari haqida fikr bildirdi.
«Yurgen mening do‘stim emas, negadir u bilan hech qachon vaqtni birga o‘tkazmaganmiz.
Qachondir biror yaxshi insonni ko‘rsangiz uning sizga yoqishini yoki do‘stingiz ekanligini aytishinigiz mumkin. Yoki u menga yoqmaydi va menga do‘st bo‘la olmaydi deyishingiz ham mumkin.
Yurgen bilan besh daqiqa oldin va bahsdan keyin besh daqiqa suhbatlashamiz, xolos. Yurgen haqida nima deyishim mumkin, men hurmat qiladigan hamkasblarimdan biri, u bilan oramizda hech qanday muammo yo‘q.
U ham menga xuddi mana shunday munosabatda bo‘lishiga ishonaman. Umuman olganda hech qanday muammo yo‘q», – dedi Mourinyo.
