Лондоннинг «Тоттенхэм» устози Жозе Моуриньо «Ливерпуль» бош мураббийи Юрген Клопп билан ўзаро муносабатлари ҳақида фикр билдирди.

«Юрген менинг дўстим эмас, негадир у билан ҳеч қачон вақтни бирга ўтказмаганмиз.

Қачондир бирор яхши инсонни кўрсангиз унинг сизга ёқишини ёки дўстингиз эканлигини айтишинигиз мумкин. Ёки у менга ёқмайди ва менга дўст бўла олмайди дейишингиз ҳам мумкин.

Юрген билан беш дақиқа олдин ва баҳсдан кейин беш дақиқа суҳбатлашамиз, холос. Юрген ҳақида нима дейишим мумкин, мен ҳурмат қиладиган ҳамкасбларимдан бири, у билан орамизда ҳеч қандай муаммо йўқ.

У ҳам менга худди мана шундай муносабатда бўлишига ишонаман. Умуман олганда ҳеч қандай муаммо йўқ», – деди Моуриньо.