Avval xabar qilganimizdek, yangi mavsumga tayyogarlikning ikkinchi bosqichini Turkiyaning Antaliya shahrida o‘tkazadigan jamoamiz a’zolari bugun belgilangan manzilga yetib kelishdi.
Bugun ertalab Islom Karimov nomidagi Toshkent xalqaro aeroportidan Antaliyaga parvoz qilgan jamoamiz delegasiya tushdan keyin Antaliyadagi “Asteria” mehmonxonasiga joylashdi va shu kechga yaqin mehmonxonaga qarashli futbol maydonida ilk mashg‘ulotlarni ham o‘tkazdi.
Eslatib o‘tamiz, ikki hafta davom etadigan xorij yig‘ini doirasida futbolchilarimiz beshta nazorat uchrashuvida maydonga tushishadi.
Navoiyliklar ilk nazorat uchrashuvini 29 yanvar kuni Vladikavkazning “Alaniya” jamoasiga qarshi o‘tkazadi. O‘yin Toshkent vaqti bilan soat 19:00 da boshlanishi rejalashtirilgan.
