Italiya chempionatining joriy mavsumdagi peshqadami «Milan» ikkinchi davrani g‘alaba bilan boshladi.

20-tur doirasida «Bolonya» maydoniga safar qilgan "rossoneri" 3 ochkoni qo‘lga kiritdi. Bahsning 26-daqiqasida mezbonlar darvozasi tomon penalti belgilandi. Ibrahimovich tomonidan yo‘llangan zarbani maydon egalari posboni qaytardi, ammo to‘pga birinchi bo‘lib yetib kelgan Rebich darvozani ishg‘ol qildi.

Ikkinchi bo‘lim boshida milanliklar yana bitta penalti ishlashdi. Bu safar 11 metrli nuqtaga Kessie yaqinlashdi va undan unumli foydalandi.

O‘yin tugashiga 9 daqiqa qolganida esa Andrea Poli hisobdagi farqni bittaga qisqartirdi.

"Milan" esa g‘alabani ushlab qoldi va o‘z ochkolarini 46taga yetkazib oldi.

Italiya A seriyasi, 20-tur
Bolonya – Milan 1:2 (0:2)
Gollar: 0:1 – 26 Rebich, 0:2 – 55, penalti Kessie, 1:2 – 81 Poli.
Noaniq penalti: Zlatan Ibrahimovich (26, darvozabon)
Bolonya – Skorupski, Larangeyra, Sumaoro, Deyks (Palasio, 79), Tomiyasu, Sxauten (Poli, 79), Dominges (Svanberg, 67), Orsolini (Olsen, 67), Soriano, Sansone (Vinyato, 67), Barrou.
Milan – Donnarumma, Tomori, Romanyoli, Teo, Kalabriya, Kessie, Tonali (Bennaser, 62), Salemakers, Rebich (Krunich, 62), Ibrahimovich, Rafael Leau (Manjukich, 73).
Ogohlantirishlar: Deyks (24), Rebich (51), Soriano (56).