Futzal bo‘yicha xalqaro o‘rtoqlik uchrashuvi doirasida kechgan birinchi bellashuvda O‘zbekiston milliy terma jamoasi Toshkentda Argentinani qabul qildi va kichik hisobda imkoniyatni boy berib qo‘ydi (0:1).
Uchrashuvdagi yagona golga 11-daqiqada raqiblarning 11-raqamdagi o‘yinchisi Lukas Bolo Alemani mualliflik qildi. Futzalchilarimiz garchi bahsning qolgan daqiqalarida kuchli pressing uyushtirgan bo‘lishlariga qaramay vaziyatni o‘nglashning uddasidan chiqa olishmadi.
Dilshod Rahmatov va Davron Choriyev tomonidan yo‘llangan bir nechta xavfli hujumlarni raqib posboni Lukas Farah ishonchli tarzda bartaraf etib bordi. Qayd etish kerak, darvozaboni iz Rustam Umarov ham yaqqol golli vaziyatlarda jamoadoshlari joniga oro kirdi.
Ma’lumot uchun ikkala terma jamoa o‘rtasidagi ikkinchi o‘rtoqlik uchrashuvi ertaga xuddi shu majmuada 18:30 da start oladi.
