Футзал бўйича халқаро ўртоқлик учрашуви доирасида кечган биринчи беллашувда Ўзбекистон миллий терма жамоаси Тошкентда Аргентинани қабул қилди ва кичик ҳисобда имкониятни бой бериб қўйди (0:1).
Учрашувдаги ягона голга 11-дақиқада рақибларнинг 11-рақамдаги ўйинчиси Лукас Боло Алемани муаллифлик қилди. Футзалчиларимиз гарчи баҳснинг қолган дақиқаларида кучли прессинг уюштирган бўлишларига қарамай вазиятни ўнглашнинг уддасидан чиқа олишмади.
Дилшод Раҳматов ва Даврон Чориев томонидан йўлланган бир нечта хавфли ҳужумларни рақиб посбони Лукас Фараҳ ишончли тарзда бартараф этиб борди. Қайд этиш керак, дарвозабони из Рустам Умаров ҳам яққол голли вазиятларда жамоадошлари жонига оро кирди.
Маълумот учун иккала терма жамоа ўртасидаги иккинчи ўртоқлик учрашуви эртага худди шу мажмуада 18:30 да старт олади.
