Ispaniya kubogining chorak final bosqichidan o‘rin olgan so‘nggi bahs bo‘lib o‘tdi. Bilbaoning «Atletik» klubi safarda «Betis» klubi mehmoni bo‘ldi.

O‘yin tugashiga 6 daqiqa qolganida mezbonlar Xuanmining goli evaziga hisobni ochishdi va g‘alabaga yaqin kelishdi. Ammo ikkinchi bo‘limga qo‘shib berilgan 4-daqiqada basklar Raul Garsiyaning goli orqali muvozanatni tiklashdi.

Qo‘shimcha bo‘limlarda hisob o‘zgarmagan bo‘lsa, penaltilar seriyasida "Atletik" 4:1 hisobida g‘alaba qozondi va yarim final yo‘llanmasini qo‘lga kiritdi.

Ispaniya kubogi, chorak final
Betis – Atletik 1:1 (0:0, 1:1, 0:0, 0:0), penaltilar bo‘yicha - 1:4
Gollar: 1:0 – 84 Xuanmi, 1:1 – 90+4 Raul Garsiya.
Betis – Robles, Miranda (Emerson, 105), Ruis, Mandi, Montoyya, Vilyam Karvalyu (Telyo, 105), Kanales, Ruibal (Xuanmi, 74), Rodriges (Xoakin, 90), Fekir (Sidney, 90), Iglesias (Guardado, 88).
Atletik – Unai Simon, Martines, Yeray Alvares, Berchiche, De Markos, Raul Garsiya, Dani Garsiya (Vensedor, 78), Berenger (Morsilyo, 88), Vesga (Unai Lopes, 88), Lekue (Kapa, 78), Vilyalibre (Uilyams, 67).
Ogohlantirishlar: Berchiche (39), Yeray Alvares (42), Dani Garsiya (48), Martines (53), Ruibal (55), Lekue (72), Vilyam Karvalyu (83), Raul Garsiya (83).