«Tottenxem» bosh murabbiyi Joze Mourinyo «Chelsi»ga qarshi o‘yindan (0:1) keyin OAV vakillari bilan keskin ohangda gaplashdi.
Jurnalist qiz Elison Bender tvitter orqali quyidagicha xabar tarqatdi: «Men Jozedan nima uchun Beylni maydonga tushirmaganini so‘radim. U esa: «Yaxshi savol, ammo sen javobga munosib emassan», deya javob qaytardi».
Portugaliyalik mutaxassis Beyl haqidagi yana bir savolga quyidagicha javob berdi:
«Men bor kuchim bilan harakat qilyapman. U bor kuchi bilan harakat qilyapti. Biz bor kuchimiz bilan harakat qilyapmiz», — dedi Mourinyo.
«Tottenxem» 31 yoshli Beylni sentyabr oyida «Real»dan bir yilga ijaraga olgan edi. "Chelsi"ga qarshi o‘yinda u zaxirada qoldi. Uelslik futbolchi joriy mavsumda «shporlar» safida APL doirasida 6ta o‘yinda maydonga tushib, bitta gol urdi.