«Тоттенхэм» бош мураббийи Жозе Моуриньо «Челси»га қарши ўйиндан (0:1) кейин ОАВ вакиллари билан кескин оҳангда гаплашди.
Журналист қиз Элисон Бендер твиттер орқали қуйидагича хабар тарқатди: «Мен Жозедан нима учун Бэйлни майдонга туширмаганини сўрадим. У эса: «Яхши савол, аммо сен жавобга муносиб эмассан», дея жавоб қайтарди».
Португалиялик мутахассис Бэйл ҳақидаги яна бир саволга қуйидагича жавоб берди:
«Мен бор кучим билан ҳаракат қиляпман. У бор кучи билан ҳаракат қиляпти. Биз бор кучимиз билан ҳаракат қиляпмиз», — деди Моуриньо.
«Тоттенхэм» 31 ёшли Бэйлни сентябрь ойида «Реал»дан бир йилга ижарага олган эди. "Челси"га қарши ўйинда у захирада қолди. Уэльслик футболчи жорий мавсумда «шпорлар» сафида АПЛ доирасида 6та ўйинда майдонга тушиб, битта гол урди.