«Real» yetakchisi va sardori Serxio Ramos bugun katta jarrohlik operasiyasini boshidan o‘tkazadi.
Futbolchi kecha tizzasidagi noqulayliklar sabab umumjamoa mashg‘ulotlarida ishirok eta olmagan edi. Klub matbuot xizmati esa uning bugun shifoxonaga yotqizilganini tasdiqladi.
Endi uning kamida 6-7 hafta ichida maydonga qayta olmasligi ma’lum bo‘lmoqda. U bundan oldingi 3 o‘yinni ham o‘tkazib yuborgan edi.
Joriy mavsum Ramos 18 uchrashuvda maydonga tushib raqiblari darvozasini 3 marta ishg‘ol qilgan. Joriy yil yozda shartnomasi yakuniga yetadigan futbolchi rahbariyat bilan yangi bitim borasida kelisha olmayapti.
