«Реал» етакчиси ва сардори Серхио Рамос бугун катта жарроҳлик операциясини бошидан ўтказади.
Футболчи кеча тиззасидаги ноқулайликлар сабаб умумжамоа машғулотларида иширок эта олмаган эди. Клуб матбуот хизмати эса унинг бугун шифохонага ётқизилганини тасдиқлади.
Энди унинг камида 6-7 ҳафта ичида майдонга қайта олмаслиги маълум бўлмоқда. У бундан олдинги 3 ўйинни ҳам ўтказиб юборган эди.
Жорий мавсум Рамос 18 учрашувда майдонга тушиб рақиблари дарвозасини 3 марта ишғол қилган. Жорий йил ёзда шартномаси якунига етадиган футболчи раҳбарият билан янги битим борасида келиша олмаяпти.
