«MYU» bosh murabbiyi Ole-Gunnar Sulsher APLning 23-turida «Everton» ga qarshi (3:3) o‘yinidan so‘ng fikr bildirdi.
"Ikkinchi bo‘limda biz yaxshi o‘ynadik, ammo darvozamiz tomonga yo‘llangan uchta zarbadan uchta gol o‘tkazib yubordik. Biz raqiblarning ikkita goliga yaxshi javob qaytardik. O‘tkazib yuborilgan gollar uchun kimnidir ayblamoqchi emasman.
Ammo barchamiz yaxshi bilamizki, har daqiqada yaxshiroq o‘ynashimiz mumkin edi va to‘rtinchi golni urishimiz kerak edi. Xames va Risharlison tanaffusdan oldin bizga bir qancha muammolar tug‘dirishdi. Ushbu o‘yin "MYU"muxlislaridan ko‘ra neytral muxlislarga ko‘proq yoqdi. Natija kayfiyatni belgilab beradi.
Ikki ochko yo‘qotilganidan so‘ng stadionni tushkun holatda tark etdik. O‘zimizni chempionlikka davogar deb hisoblashimiz kerak emas. Bu muxlislar o‘rtasida va OAVda aytiladigan gaplar. Biz yaxshi jamoaga aylandik va oldinga intilayotganimiz juda yaxshi, ammo oddiy gollarni o‘tkazib yuborishni to‘xtatishimiz kerak» - deydi Sulsher.
