«МЮ» бош мураббийи Оле-Гуннар Сульшер АПЛнинг 23-турида «Эвертон» га қарши (3:3) ўйинидан сўнг фикр билдирди.
"Иккинчи бўлимда биз яхши ўйнадик, аммо дарвозамиз томонга йўлланган учта зарбадан учта гол ўтказиб юбордик. Биз рақибларнинг иккита голига яхши жавоб қайтардик. Ўтказиб юборилган голлар учун кимнидир айбламоқчи эмасман.
Аммо барчамиз яхши биламизки, ҳар дақиқада яхшироқ ўйнашимиз мумкин эди ва тўртинчи голни уришимиз керак эди. Хамес ва Ришарлисон танаффусдан олдин бизга бир қанча муаммолар туғдиришди. Ушбу ўйин "МЮ"мухлисларидан кўра нейтрал мухлисларга кўпроқ ёқди. Натижа кайфиятни белгилаб беради.
Икки очко йўқотилганидан сўнг стадионни тушкун ҳолатда тарк этдик. Ўзимизни чемпионликка даьвогар деб ҳисоблашимиз керак эмас. Бу мухлислар ўртасида ва ОАВда айтиладиган гаплар. Биз яхши жамоага айландик ва олдинга интилаётганимиз жуда яхши, аммо оддий голларни ўтказиб юборишни тўхтатишимиз керак» - дейди Сульшер.
