Italiya chempionatining 22-turi doirasida «Inter» va «Lasio» klublari 14 fevral kuni "San-Siro"da to‘qnash kelishdi.

Bahsning 22-daqiqasida Lautaro Martines darvozabon bilan yakkama-yakka vaziyatga chiqqan paytda Xudt unga nisbatan qo‘pollik ishlatdi. Belgilangan penaltini esa Lukaku aniq amalga oshirib, hisobni ochdi. Birinchi taymga qo‘shib berilgan daqiqada Romeluning o‘zi hisobdagi farqni ikkitaga oshirdi.

Uchrashuvning 61-daqiqasida rimliklar Eskelantening goli evaziga bitta javob to‘pini kiritishdi, ammo 3 daqiqa o‘tib Martines yakuniy hisobni o‘rnatdi — 3:1.

Ushbu g‘alabadan keyin "Inter" o‘z ochkolarini 50taga yetkazib, A seriya peshqadamiga aylandi. "Lasio" esa 7-o‘ringa tushib qoldi.

Italiya chempionati, 22-tur
Inter – Lasio 3:1 (2:0, 1:1)
Gollar: 1:0 – 22, penalti Lukaku, 2:0 – 45 Lukaku, 2:1 – 61 Eskalante, 3:1 – 64 Martines.
Inter – Xandanovich, Shkrinyar, de Vrey, Bastoni, Hakimiy (D`Ambrozio, 90), Barella, Brozovich, Eriksen (Galyardini, 72), Perishich (Darmian, 90), Lukaku (Pinamonti, 90), Martines (Sanches, 78).
Lasio – Reyna, Gabarron, Xudt (Parolo, 46), Acherbi, Lassari, Milinkovich-Savich, Leyva (Eskalante, 46), Luis Alberto (Pereyra, 78), Marushich, Korrea (Kaysedo, 70), Immobile (Muriki, 70).
Ogohlantirishlar: Xudt (20), Lukaku (26), Hakimiy (59).