Италия чемпионатининг 22-тури доирасида «Интер» ва «Лацио» клублари 14 февраль куни "Сан-Сиро"да тўқнаш келишди.

Баҳснинг 22-дақиқасида Лаутаро Мартинес дарвозабон билан яккама-якка вазиятга чиққан пайтда Худт унга нисбатан қўполлик ишлатди. Белгиланган пенальтини эса Лукаку аниқ амалга ошириб, ҳисобни очди. Биринчи таймга қўшиб берилган дақиқада Ромелунинг ўзи ҳисобдаги фарқни иккитага оширди.

Учрашувнинг 61-дақиқасида римликлар Эскелантенинг голи эвазига битта жавоб тўпини киритишди, аммо 3 дақиқа ўтиб Мартинес якуний ҳисобни ўрнатди — 3:1.

Ушбу ғалабадан кейин "Интер" ўз очколарини 50тага етказиб, А серия пешқадамига айланди. "Лацио" эса 7-ўринга тушиб қолди.

Италия чемпионати, 22-тур
Интер – Лацио 3:1 (2:0, 1:1)
Голлар: 1:0 – 22, пенальти Лукаку, 2:0 – 45 Лукаку, 2:1 – 61 Эскаланте, 3:1 – 64 Мартинес.
Интер – Ханданович, Шкриньяр, де Врей, Бастони, Ҳакимий (Д`Амброзио, 90), Барелла, Брозович, Эриксен (Гальярдини, 72), Перишич (Дармиан, 90), Лукаку (Пинамонти, 90), Мартинес (Санчес, 78).
Лацио – Рейна, Габаррон, Худт (Пароло, 46), Ачерби, Лаццари, Милинкович-Савич, Лейва (Эскаланте, 46), Луис Альберто (Перейра, 78), Марушич, Корреа (Кайседо, 70), Иммобиле (Мурики, 70).
Огоҳлантиришлар: Худт (20), Лукаку (26), Ҳакимий (59).