90Min portali Yevropa kuchli beshlik ligalarida 2017/18 yilgi mavsum boshidan buyon jarohat sabab eng ko‘p o‘yin o‘tkazib yuborgan futbolchilar ro‘yxatini tuzib chiqdi.

Ro‘yxatdan maxsus tanlab olingan top-futbolchilar o‘rin oldi. Unga ko‘ra «Barselona» hujumchisi Usmon Dembele mazkur vaqt oralig‘ida eng ko‘p uchrashuvlarni o‘tkazib yuborgan o‘yinchi bo‘ldi. Fransiyalik futbolchi jami 85 ta bahsda ishtirok etolmagan.

PSJ forvardi Neymar bu borada ikkinchi bo‘lib turibdi (65), «Manchester Yunayted» yarim himoyachisi Pol Pogba (54) esa top-3 likda.

Quyida 90Min tuzib chiqqan ro‘yxat bilan tanishing:

1. Usmon Dembele — 85 ta o‘yin
2. Neymar —65
3. Pol Pogba — 54
4. Serxio Aguero — 51
5. Eden Azar — 51
6. Kevin de Bryuyne — 39
7. Karim Benzema — 20
8. Kilian Mbappe — 17
9. Sadio Mane — 15
10. Krishtianu Ronaldu — 14