90Min портали Европа кучли бешлик лигаларида 2017/18 йилги мавсум бошидан буён жароҳат сабаб энг кўп ўйин ўтказиб юборган футболчилар рўйхатини тузиб чиқди.

Рўйхатдан махсус танлаб олинган топ-футболчилар ўрин олди. Унга кўра «Барселона» ҳужумчиси Усмон Дембеле мазкур вақт оралиғида энг кўп учрашувларни ўтказиб юборган ўйинчи бўлди. Франциялик футболчи жами 85 та баҳсда иштирок этолмаган.

ПСЖ форварди Неймар бу борада иккинчи бўлиб турибди (65), «Манчестер Юнайтед» ярим ҳимоячиси Пол Погба (54) эса топ-3 ликда.

Қуйида 90Min тузиб чиққан рўйхат билан танишинг:

1. Усмон Дембеле — 85 та ўйин
2. Неймар —65
3. Пол Погба — 54
4. Серхио Агуэро — 51
5. Эден Азар — 51
6. Кевин де Брюйне — 39
7. Карим Бензема — 20
8. Килиан Мбаппе — 17
9. Садио Мане — 15
10. Криштиану Роналду — 14