Osiyo futbol konfederasiyasining marketing hamkori sifatida faoliyat yuritgan «Lagardere Sports» agentligi vakili «Bunyodkor»ga tashrif buyurdi.
OFK doirasidagi musobaqalar – Chempionlar ligasi va OFK Kubogining media huquqini sotish bilan shug‘ullangan «Lagardere Sports» agentligining vakili, asli o‘zbekistonlik, bugungi kunda BAAning Dubay shahrida istiqomat qiladigan Jasur Mo‘minovni Toshkentga tashrifidan foydalanib, «Bunyodkor»ga taklif etdik.
Ochiq davra suhbati shaklida o‘tgan uchrashuvda «Bundyokor»dan klub direktori Ulug‘bek Mirzayev, moliya menejeri Shomurod Isroilov, marketing mutaxassislari Shuhrat Turdiyev hamda Hamza Karimov va boshqa xodimlar ishtirok etdi. Jasur Mo‘minov futbol klublarida xalqaro zamonaviy marketing uslublari bo‘yicha o‘z maslahatlari bilan o‘rtoqlashdi. Marketing bo‘limi mutaxassislarimizning bir qator savollariga javob qaytardi, fikr almashdi. Asosiysi, istalgan vaqtda marketing yo‘nalishi bo‘yicha maslahatlarini ayamasligini ta’kidladi.
