Bugun Superliganing 2021 yilgi mavsumiga qur’a tashlash marosimi bo‘lib o‘tadi. Marosim 18:15 dan boshlab «Sport» telekanali orqali jonli efirga uzatiladi.

Superliganing ilk turi 9 mart kuniga belgilangan. 2021 yilgi mavsumda ham g‘oliblik uchun 14 ta klub kurash olib boradi: «Paxtakor», «Nasaf», AGMK, «Bunyodkor», «Qo‘qon-1912», «So‘g‘diyona», «Metallurg», «Navbahor», «Lokomotiv», «Mash’al», «Qizilqum», «Surxon», «Andijon» va «Turon».

Mavsum yakuniga ko‘ra so‘nggi ikki o‘rindan joy olgan klub Pro ligaga tushiriladi. Superliganing 12-o‘rnidan joy olgan klub esa Pro liganing uchinchi jamoasiga qarshi o‘tish o‘yinini avvalgi yildagi kabi safarda o‘tkazadi.