Бугун Суперлиганинг 2021 йилги мавсумига қуръа ташлаш маросими бўлиб ўтади. Маросим 18:15 дан бошлаб «Спорт» телеканали орқали жонли эфирга узатилади.

Суперлиганинг илк тури 9 март кунига белгиланган. 2021 йилги мавсумда ҳам ғолиблик учун 14 та клуб кураш олиб боради: «Пахтакор», «Насаф», АГМК, «Бунёдкор», «Қўқон-1912», «Сўғдиёна», «Металлург», «Навбаҳор», «Локомотив», «Машъал», «Қизилқум», «Сурхон», «Андижон» ва «Турон».

Мавсум якунига кўра сўнгги икки ўриндан жой олган клуб Про лигага туширилади. Суперлиганинг 12-ўрнидан жой олган клуб эса Про лиганинг учинчи жамоасига қарши ўтиш ўйинини аввалги йилдаги каби сафарда ўтказади.