Ukrainaning "Rux" klubi sport direktori Vladimir Lapiskiy "Nasaf" hujumchisi Bobur Abduxoliqovning transferi borasida o‘z fikrini bildirib o‘tdi.

"Avvalo, Bobur Abduxoliqov — O‘zbekiston milliy jamoasi a’zosi. 23 yoshli futbolchi o‘z mamlakatida va xorijda nom chiqarishga ulgurgan. Yaxshi saviyadagi hujumchi. Umid qilaman, u Ukraina chempionatida ham o‘zini ko‘rsata oladi.

Ushbu transfer ustida klubdagi barcha xodimlar ishladi. Skaut va seleksiya bo‘limi xodimlari katta rahmat. Bobur bizning jamoaga o‘tishi uchun ular katta ishni amalga oshirishdi. Biz Abduxoliqovni sentyabr oyidan buyon kuzatib kelayotgandik. Uni qo‘lga kiritish uchun bir nechta jamoalar bilan raqobatlashishimizga to‘g‘ri keldi. Ko‘p jamoalar uni o‘z safida ko‘rishni istagandi. Bobur esa bizni tanlaganidan xursandmiz. Uning jamoamizga moslashish jarayoni tez bo‘lishi uchun qo‘limizdan kelgan barcha ishni qilamiz.

Maksim Shaskix klub prezidenti, bosh direktori va menga qo‘ng‘iroq qildi. U o‘zbek futbol afsonasi hisoblanadi. Maksim menga Bobur Abduxoliqovni tavsiya qildi. Ushbu transferni amalga oshirishda Shaskix bizga yordam berdi. Har qanday inson uchun o‘zga mamlakatga moslashib ketish muhim ahamiyatga ega. Futbolchi Maksim Shaskixning natijalarini takrorlashga harakat qiladi, deb o‘ylayman", — Vladimir Lapiskiy.